Құлыншағым - Нұрымым

«Ұлым менің» деп соғады жүрегім,
Өзіңсің ғой өмірдегі тірегім.
Бұлдыртының жағасында ержеткен,
Орындалған ақ батам мен тілегім.
Жасыл желек, көкорайлы мекенде,
Ерте есейіп, ер намысын иеленген.
Салмақты боп, сабырыңнан айнымай,
Анаң үшін мақтанышсың әр күнде.

Нұрымжан, нұрлы болсын жолдарың,
Биіктерден көріне бер, құлыным.
Келбетіңнен әкеңді көріп қуанам,
Болатбектей болсын әрбір қадамың.
Көркем мінез, келбетті де көрікті,
Сыйлы азамат – анасының сенімі.
Жүрегіңнен төгілсін тек мейірім,
Бақытты бол, өмірімнің бөлігі!


Қызығушың әлемді бір шарлауға,
Кітап оқып, биік шыңды барлауға.
Ізденімпаз, еңбекқорсың, жан балам,
Арманыңды айналдырдың жалғауға.
Саяхаттың аша беріп есігін,
Тербете бер жақсылықтың бесігін.
Парасатпен таныла бер әлемге,
Ардақтаймын Нұрым деген есімің.

Әсемгүлдей жарың болсын баянды,
Сезімдерің болсын аппақ, аяулы.
Ибраһим мен Әдияның бағына,
Қамқор әке болшы әр кез ояулы.
Шаңырағың шаттыққа тек толсыншы,
Қыдыр ата үйіңе кеп қонсыншы.
Ана жүрек сен үшін тек тілейді,
Ғұмыр жасың ұзақ, нұрлы болсыншы.

Нұрымжан, нұрлы болсын жолдарың,
Биіктерден көріне бер, құлыным.
Келбетіңнен әкеңді көріп қуанам,
Болатбектей болсын әрбір қадамың.
Көркем мінез, келбетті де көрікті,
Сыйлы азамат – анасының сенімі.
Жүрегіңнен төгілсін тек мейірім,
Бақытты бол, өмірімнің бөлігі!


Туған күнің құтты болсын, нұр балам,
Сен бар жерде шаттық әні шырқалар..