Калыханка

Люлі-люлі-люлі,
Усе дзеткі паснулі
Адна мая ляля
Не спіць, не гуляе,
Не спіць, не гуляе,
З катком размаўляе.

А-а! Няхай кату ўсё ліха,
Ты, Іване, спі ціха.
А-а! Ты Іване, спі ціха.
А-а! Не хадзі, кот, па печы
Буду біць у плечы.
А-а! Буду біць у плечы.
А-а! Не хадзі, кот, па масту.
Буду біць па хвасту.
А-а! Буду біць па хвасту.

Няхай кату ўсё ліха,
Ты, Іване, спі ціха.
Не хадзі, кот, па хаце,
Не будзі майго дзіцяці.
Не хадзі, кот, па скрыне,
Буду біць па спіне.
Не хадзі, кот, па печы,
Буду біць у плечы.
Не хадзі, кот, па лаўцы,
Буду біць па лапцы,
Не хадзі, кот, па паліцы,
Буду біць па патыліцы,
Не хадзі, кот, па мосту,
Буду біць па хвосту,
Не лезь, каток, на калодку,
Разаб’еш галоўку.
Будзе галоўка балець
І некаму будзе жалець.
Няхай кату ўсё ліха,
Ты, Іване, спі ціха.