Бактылуу

Алгачкы туулган күнүм – бакыт күнүм,
Ошол күнү жолуктуң, ардагым, гүлүм.
Тагдыр бизди кездештирип эң алгач,
Байланган ошондо эле таттуу күнүм.
Сүйлөшүп, күз айында тойду жасап,
Баш коштук, ата-энеден бата алып.
Андан бери он беш жыл өтүп кетти,
Түтүн булап, бирге бакыт таап, жашап.
Камкорум, эмгекчилим, аска-зоомсуң,
Жашоомдо эң ишенимдүү жолдошумсуң.
Айжамал, Мунирадай кыздар өсүп,
Эркелеп, үйүбүздүн көркү болсун.
Бактылуу өмүр сүрүп келебиз биз,
Бирге согот ар дайым жүрөгүбүз.
Бар болгун, сүйүктүүм, тирегим,
Кабыл болсун Кудайдан тилегибиз.