سكر حبك

مش بس مشاعر الحب إللي انتي بتمليها فيا
ده انا كل ما قول بكفاية يزيد حبي بهمجية

ويدوبك افوق من سكري بحبك وكأني في غيبوبة
أقول أبدا ما هافوق ودي حاجة محتاجة لأعجوبة

خسيت م الحب أنا ولا تخنت انا من الإدمان
أدمنت أنا حبك ايوه بقولها زهقت من الكتمان

وتملي بتملي عينيا اكتر من الفتة اللوز
وتحليلي دايما ايامي يا أطعم من الهوهوز

وأنا هافضل أفكر فيكي ولو تعبت من التفكير
أريح عقلي شوية بقى وقلبي عليكي يغير

ازاي اقدر أجيلك مهما بعدتي.. وانا مش بقدر اطير
تسبيني لوحدي وتنزلي جيم! .. في نظري ده مش فير

وبقولها أنا دايما احبك اكتر منك بكثير
واتمنى لو بس أنافس بكلامي شعر الغير

فسامحيني إن أنا على أدي وبتهته في أشعاري