Қызым

Әнімді саған арнадым, қызым,
Асылым сенсің, ардағым, қызым
Қызғалдақ гүлім,
Үміттің тінін,
Ізгі арманымды жалғадың, қызым.
Бақытты, баянды
Болшы сен аяулым
Түспесін қаяу мұң жүзіңе.
Еркеназ- еркемсің
Ерекше көркемсің
Тамшыдай түскенсің үзіле.
Сағындым сәби кезіңді, қызым,
Бойжеткеніңді сезіндім, қызым.
Өмірің алда,
Асқақ қой арман!
Солдыртып алма сезімді, қызым!