كاين مواطن كيخدم، كيدفع الضرائب، كيدير واجبو، ولكن ملي كيمشي يقلب على حقو… كيلق

كاين مواطن كيخدم، كيدفع الضرائب، كيدير واجبو، ولكن ملي كيمشي يقلب على حقو… كيلقى الحيط قدّامو.
علاش؟
حيتاش فبعض الحالات، القانون ما كيبقاش هو اللي كيسير… كاتسيروالفرص كتولي محجوزة لناس معروفين.
واش هادي بلاد عادلة؟
واش هادي دولة اللي كتخدم الشعب كامل؟
كيفاش بغينا الشباب يبقى هنا، وهو كيشوف المستقبل مسدود؟
كيفاش بغينا المستثمر يجي، وهو كيشوف الشفافية ناقصة؟
كيفاش بغينا المواطن يحترم القانون، وهو كيشوف أن القانون ما كيتطبقش على الجميع بنفس الطريقة؟
حنا ما باغينش الفوضى.
ما باغينش التخريب.
ما باغينش السبّ.
ولكن بغينا الحق.
بغينا دولة قوية…
والدولة القوية ما كتخافش من النقد،
الدولة القوية كتصلح راسها،
وكتحاسب اللي كيتلاعب بالمال العام،
وكتحمي المواطن البسيط.
الفساد كيدمر التعليم،
كيدمر الصحة،
كيدمر الاقتصاد،
وكيخلّي المواطن يحس بلي بلادُه ما كتسمعش ليه.
ومن حقنا نسولو:
فين غاديين؟
خاص الإصلاح يكون حقيقي.
خاص الشفافية تولّي قاعدة.
خاص المحاسبة تولّي واقع ماشي شعار.
حيتاش المغرب يستاهل أفضل من هادشي.
والمواطن المغربي يستاهل العيش بكرامة.
وخا نقولوها بصوت عالي:
اللي كيحب الوطن، كيحارب الفساد.