37

አንበሳ መርጦ እንጂ
ያየውን በሙሉ አይመለከትም፣
ሁለት ጥንቸል አዳኝ አንዷንም አይዝም
ሁለት ጥንቸል አዳኝ አንዷንም አይዝም።

በብልሆች አገር ሞኛሞኝ ገበሬ
ጠምደህ ልረስ አትበል በሬና ጉማሬ።

ሁለት እግር አለኝ ሁለት ዛፍ ወጣለሁ
ብሎ ከሚናገር
ፈጣሪ አታውለኝ አጉል ከሆነ ሰው።

ባዋሉህ ቦታ ዋል ባስቀመጡት ስፍራ
ሲያከብዱህ አትቅለል አትሁን ገለባ።

ሀሉ አማረችኝ ሰው ዓላማ የሌለው
ሲመኝ እየኖረ ሲመኝ ነው 'ሚሞተው።

ያላየው የታየው
በዚህ አለፈች ብሎ መንገድ ስላሳተው
ጊደር ለጠፋበት ጊደሩን ከፈለው።

በዕድሜው ልክ የማይኖር አንዳንድ ሰው አለ
በጥሬው የሚገኝ ሲሉት ሸመገለ።

አንበሳ መርጦ እንጂ
ያየውን በሙሉ አይመለከትም
ሁለት ጥንቸል አዳኝ አንዷንም አይዝም
ሁለት ጥንቸል አዳኝ አንዷንም አይዝም።

አንዳንድ ሰው አለ የሌለው ቁም ነገር
በሠውነት ሚዛን መለኪያ ሲሰፈር።

አንዳንድ ሰው አለ ላምላኩ ያስቸገረ
ግራ የሚያጋባ-
ማታ የጠየቀውን ሲነጋ እየረሳ።

አንዳንድ ሰው አለ ለቃሉ ያልታመነ
ባለው የማይገኝ-
መልኩና ምግባሩ ያልተገጣጠመ።

አንዳንድ ሠው አለ የሠው አልባሌ
በማር ሲመስሉት ሲቀመስ ኮምጣጤ።