ራሴን

ራሴን ላጠፋ ነው
ስሙኝ ስሙኝ ራሴን ላጠፋ ነው(×3)

ህይወት እጅግ መራኝ
መኖር አስጠልቶኝ
ይህ ዓለም ቢቀፈኝ
ደስታዬን ቢነፍገኝ።
መገላገል ስሻ
የዚን ዓለም መርሻ
ሞት ሆኖ ምርጫዬ
የጭንቅ ማምለጫዬ
አይደም ምክንያቴ
ራሴን የማጥፋቴ።
ግን በተቃራኒው
የህይወት ጣፍጦት ነው
የመኖር ጉጉት ነው
ራስን የሚያስጠፋው።
ያለም ማብረቅረቋ
ለአይን ማስጎምጀቷ
ይህ ነው የሚገድለኝ
መሞቻም የሆነኝ
ከራሴ ሚያሸሸኝ
እንዳልኖር ሚያግደኝ።
ስለዚህ ሞታለው
መኖር አቆማለው።
ይልቅ ለሁላቹም
መኖር አይበቃቹም?
መሞት አያምራቹም?
እኔ በበኩሌ ኑሩ አልላቹም
የኔን ምክር ሰምታቹ
ሙቱ እባካቹ።
ታድያ ስትሞቱ
ምክሬን ከቶ አትርሱ
መብራት አትጨብጡ
መርዝም እንዳትጠጡ
ደም ስር አትቁረጡ
ውሃ ውስጥም አትግቡ፣ እንዳትታነቁ
አንዳቸውም ቢሆኑ አይገሉም እውቁ።
ራስን ለማጥፋት የኔን ምክር ስሙ
እኔነት ገድላቹ በኢየሱስ ለምልሙ።
መኖር አቁማቹ ኢየሱሴን አኑሩ
መኖር አጓጉቷቹ ያለሱ እንዳትቀሩ
ጊዜው ከማብቃቱ ራሳቹን አጥፉ
ጳውሎስን መስላችሁ በመሞት እረፉ
የዓለም መብረቅረቅ ጊዝያዊ ነውና
መኖርን አቁሙ ራሳቹን አጥፉና።

ራሴን ላጠፋ ነው
ስሙኝ ስሙኝ ራሴን ላጠፋ ነው(×3)