من صغر سنّك وأنا أشوفك أمير

يا فهد يا ذخر منهو يستجير

بالوفا.. والصدق في دمّك دهم

من صغر سنّك وأنا أشوفك أمير

فيك من ريحة هلي عزّ وهمم

أنت ضلعٍ عن لواهيب الهجير

وأنت سيلٍ لا تدفّق ما انوهم

لو نبي نحسب قدرك.. ذا كثير

ما توفّيه القوافي.. والقلم

أنت غيمي وأنت في عيني الغدير

وأنت فجري لا سرا ليل الغمم

لا غشى وقتك عجاجٍ مستطير

خلك كما ضلعٍ بوقعه ما انثلم

يشهد الله مالك بقلبي خشير

أنت في كفّة.. وباقي الناس.. لم!

لو عذلني في غلاك ألفين غير

قلت : حبّه في وريدي احتكم

ما جهلنا وش مخبّيه المصير

بس حبّك.. ثابتٍ فوق القمم

وجعل قلبٍ ما درى إنك خبير

يعمي الله صيرته.. عمي وصمم