قيفي

من هذا الأوضاع ضاع العدل والصدق ضاع
وضاع الإسلام ماباقي سوا اسمه معه

وضاع الأخلاق من بين المدن و الضياع
وضاعت الناس بين الكذب و الخيجعه

وشاهد الحال باتشهد مدينة رداع
ذي كل ساعه تجينا اعلامها موجعه

لاحد يقولي تمهل يا قبيلي وراع
فكل واحد وله مراء وله مسمعه

قد ذي نراهم على الشينات مثل الضباع
لكل جيفه وهي لاحول متجمعه

ما باقي الا قليل الناس ذي هم رفاع
و روسهم بالمبادي و القيم رافعه

وليت والله واثنيها وفي كل ساع
يا ليت طارق يقولو عاد وابايعه

غبني عليك الف ياطارق ذهبنا الشجاع
ذي كنت لا اريت راس الموجعه تقطعه

وكنت بالحق تحكم وانه امرك مطاع
وكانت ام القرى بك لولوة لامعه

حنت لك اليوم ياطارق حجار القلاع
وانا معاها وكلن حن من موقعه

وعاد الاحزاب كلن جاء مسي له قناع
وكل واحد وعينه في الوطن طامعه

حد جاء بكذبه وحد جانا مجهز جماع
لا ما اصبح الشعب بين القهر والجعجعه

لا حد يطبل و يتصنع كلام الخداع
ما من ابتهم لهذا الشعب شي منفعه

ما منهم شاف هذا الشعب غير الوجاع
عزي لمن عاد راسه ناتف الزوبعه

ما ذي يرا كيف قد شعب السعيده جياع
ومعضم الناس من هذا الوطن قانعه

لسان حال المواطن تحت ضل الصراع
رباه اسالك تعجل نفخة الواقعه

واسالك الله ياذي فوق سبعً وساع
ياذي بك الحل وانت الحل ذي تصنعه

ترحم وطن ضاع يالله في دروب الهلاع
وانت الذي يا اللهي رحمتك واسعه

# ابو رزيق الاحمدي#