خيالات

رح خبرك بغيبتك شو صار
رح سمعك شو اللي مرق أخبار
كيف الدني عاملت هالقلب
وكيف الشوق ناطر ع باب الدار
مرقت سنين وراحت سنين
وبعدو زهر تشرين
كل سنة بيجي
بيرسملك ألف صورة
بأول مطر وتاني مطر
وتالت ورابع مطر
عم يرسمك تذكار
عم يلمحك فوق المدى
عم يكتبك صوت وصدى
غنيتين صغار
بيتغازلو مرة بهمس مرة بحكي
مرة بضحكة انطبعت على البلور
مرة ببكي
أيام بترتكي
على الأيام وبعدو هالقلب ناطر
بيسهر مع الافكار
مبارح سجلك الغياب حضور
حاضرة بكلشي
رسمة بقلم مسحور
خيالات عم تلعبي
طفلة ومصيرك رح تتعبي
وترجعي
وغصب عن عين الدني رح تسمعي بغيبتك صار