اسأل الشوق

اسأل الشوق عنك كلما اشتاق قلبي
وانحرج من سؤالي كلما جيت اسأل
مالقيت الإجابه عن سؤالي وطبي
والطبيب المداوي مامعه للهوى حل
عندك الحل وانته عالمتيم تغليت

(حسبك الله ربك لي بلاني بحبك
ليه لاجيت قربك ملت مني وملّيت)

امسي الليل هايم فيك والعقل مسبي
وارتقب نور بدرك يضوي الدور لا هل
جد بوصلك تكرم طال بُعدك وشق بي
ليلة الوصل عندي خيرمن عام واطول
شاقني ياحبيبي كل شي فيك حنيت

(حسبك الله ربك لي بلاني بحبك
ليه لاجيت قربك ملت مني وملّيت)

غايتي في وصالك دلني وين دربي
تاه فكري وعقلي اتّجه فين وارحل
ضاع مني دليلي والفوائد وكسبي
والموازين خلّت يامنى الروح واختل
كل شي في حياتي حين عني تخليت

(حسبك الله ربك لي بلاني بحبك
ليه لاجيت قربك ملت مني وملّيت)

عادني فيك آمل يوم شوفك بقربي
من يحب ياحبيبي صدق ما كلّ او مل
باتحمل عذابك انت ملحي وعذبي
ماتقنّعت منك ياحريري وململ
لو عطوني بدالك كل ذا الكون عيّيِت

(حسبك الله ربك لي بلاني بحبك
ليه لاجيت قربك ملت مني وملّيت)