Еңілігім-әлдиім

Еңілігім-ерке менің бөбегім,
Туған айды бесік етіп бөледім.
Жөргегіңде ақша бұлтпен құндақтап,
Жұлдыздардан тұмар тағып беремін.
Әлди, әлди әнім менің жаңаша!
Ай толғатар ақ жүзіңе қараса.
Күн сүйсінер еміреніп көркіңе,
Әлем қандай өзіңменен тамаша!
Еңілігім-қызым менің гүл-үміт,
Әлдилеген жүрегімнің үнін ұқ.
Аңсап күткен ата-анаңа жеттің бе?
Періштенің қанатына ілініп.