A ninnia

A ninnia a ninnare prenda e oro
Subra su banzigu de s'anima mia
Pasa e drommi a ninnora a ninnia
Lastima chi as regnu in custu coro

De 'eranu, sas nottes ti coloro
Sas lagrimas assuttare ti cheria
Milli mortes po tè affrontare tia
Sienda amada, istimadu tesoro

No piangas rie cun su risu in laras
Lastima ninna, in amore e cuntentu
Ti diat sa vida, tantas cosas raras

Subra sas undas de su sentimentu
Ninna,in sas nottes mudas e giaras
Sutta sas lughes de su firmamentu

Drommi, drommi, serenu e in pasu
T'ischides solu, de mama unu 'asu