Жан жарым

Тең келмейді Әлемнің бар жақұты,
Сыйға берген Алланың ол бақыты.
Екі ұл, екі қызға ана болған,
Отбасымның ырысы, ол бар құты.

Сүйгенмен айталмадым мен сырымды,
Жазамын сондықтан да, бұл жырымды.
Орал мен Гүлназ ару сөйлескендей,
Ұққайсың ішімдегі бар үнімді.

Өзге емес, тек өзіңмен жарасамын,
Үйлендік 11-де қарашаның.
Сен бар кезде мәртебем асқақтайды,
Сен бар кезде мен талай тау асамын.

Сүйгенмен айталмадым мен сырымды,
Жазамын сондықтан да, бұл жырымды.
Орал мен Гүлназ ару сөйлескендей,
Ұққайсың ішімдегі бар үнімді.

Айналам сыйлайтұғын шамадамын,
Мұнда да, үлесің бар шамаладым.
Отбасы, ошақ қасы болмасын деп,
Мектепте жүргенімді бағаладың.

Сүйгенмен айталмадым мен сырымды,
Жазамын сондықтан да, бұл жырымды.
Орал мен Гүлназ ару сөйлескендей,
Ұққайсың ішімдегі бар үнімді.

Білмейміз не боларын алдымызда,
Алдымыз шөл ме, көл ме әде құз ба.
Біз қойған меже алыс, мақсат биік,
Сол жолда татармыз біз бал да, тұз да.