關於童年時期與家人相處回憶的閩南語歌,曲風氣勢磅礡,衝擊感強烈。

阿姆懷胎滿十月 咱赤腳落地
爸母手抱阮 講阮係心肝寶貝
阿公嬤疼孫若珍珠 講咱真古錐
日暝護阮無怨悔 守護著阮滿月
阿母為我掛手環 阿爸為我掛袚鍊
歡歡喜喜一家伙 慶祝咱降世
細漢咱係真蠻皮
孽潲囡仔抱西瓜 走去隔壁偷掠雞
逐家對阮金無奈 因為咱愛變弄
一時仔想欲看電視 一時仔想欲覕相揣
阿爸開著進口車 帶阮去看燈會
伊手提著翕相機 佮咱姊弟仔翕作夥
阿母講欲去踅布袋 咱就帶阿嬤來同齊。
日子漸漸塊走，人生的戲也毋捌空白，
咱的快樂親像煙火，也親像水流過；
因為天下無永遠，咱係世間的過客。
人講幸福係有錢擱有地 毋過阮的幸福是一家人作伙
人講世事滄桑係無常 等我體會的時陣也無幾歲
少年時毋識天佮地 越頭才發現歲月也變白
捌人問我父母身體甘有康健？
阮卻講未出話。
天也未光 月也黯淡無色
夢中猶原是一家伙 夢醒只有阮一个。