مامعك شي

ماحد يموت الا وعمره وافي
والله يعلم عمرنا كم نصفه

لاجاء الأجل ماله علاج اوشافي
وكل واحد با يصل له كشفه

والمشكله ماشي كفانا كافي
والموت كم يحتاج له من وقفه

فاليوم هو باين وبكره خافي
والغد يعلم من يلاقي حتفه

والكل منها با يغادر حافي
ماحد يشل الا الكفن ذي لفه

نصيحتي يامن سراجه طافي
يحفظ صلاته والشرف والعفه

مادام هو بالعافيه متعافي
يطيع ربه قبل يضمر كفه

لاهو رحل يرحل وكشفه صافي
في يوم مابه قرض فيه اوسلفه

لاصاحبك وآفي له ابقاء وآفي
ومن وفاء لك بالجمايل أوفه

مالك ومال الشخص ذي هو هافي
مامنه الا الطقطقه من لقفه

قال المثل من كان جيبه دافي
تشوف كل الناس توقف خلفه

اما الذي في عيشته متكافي
في شدته ماحد يقف في صفه

باقول كلمه قالها عصامي
وقت المطر كلن يجبب سقفه

ماحد لحد في ذاالزمان الجافي
يارب كف الشر عنا كفه

هذا وصلوا قبل ماختم قافي
علي النبي ذي خصنا في عطفه

عليه صلاتي سيد الاشرافي
أعداد ما جفني تحرك طرفه