فرقتنا

لا تراهن والوجع لابس كفن
خاسرٍ بالدمع مكسور الحزين
ويل قلبي من عنا هذي المحن
شين جرح وشين هم وشين بين
​فرقتنا صروف وعيوب الزمن
ضاق صدري والوجع (وسط الوتين)
غبت عني ومن عقب عينك أحن
شوق ذابح في ملامحنا يبين
​---
​ويوم المرّ صادفتك
سرت غصة شراييني
تودعني وودعتك
تركت ايديك من يديني
​أنا منهك من شفتك
تغيب ودمع في عيني
خذوك الناس ما عفتك
ولكن حظي يعاديني
​---
​وداعك صار شي ثاني ولا أحد يشبهه مُرّه
وحتى الفرح والضحكة بصدر المبتلي أزمه
​خلاص اليوم أحلامي غدت يا صاحبي حُرّه
بعد ما كان في قربك جراحي مالها لزمه
​فمان الله يا وجهٍ يذوق القلب من ضرّه
فمان الله والذكرى بسيف الهجر ملتزمه
​تمخطر بالغياب وخل كبدي منك محترّه
تشوف عيوني بدمع الوداع المرّ منهزمه