سبوع

الليله احلى ليله
جايبين لها بلونه و شموع
جاتلنا احلى بنوته
اللى بيسأل ايه الموضوع
صلو صلاة النبى احسن
دى حبيبه جدو احمد
و محدش محتاج يستأذن
اهلا نورتوا السبوع
دى ديدا بنت الغالى
هاتوها اكبر لها فى ودانها
البيت زيناه بالورد
و هنقول حلاأتك علشانها
و هتجرى بقى البنوته
هتشوفه تصقف سوسه
دى حبيبه تيتا روما
و هتكبر تبقى عروسة
حمص و ملبس يلا
جبت يا محمود بالفيزا
جتلك بنوته حكايه
هتروح و تيجى معاك
و هتجيب لها احلى هدايا
علشانك هنرش الملح
و هنرأيكى رأوايه
و تيتا سهير جابت لك
هديه حلق فى ودانك
جوه المنخل حطوكى
يا حبه قلب ابوكى
حلاأتك برجالاتك
كل الناس حبوكى
حصوة فى عين اللى ما صلى
ع النبى لما شافك
ديدا يا ماشاء الله يحرس الله
بيقولوا لماما مونى
مبروك حمدالله ع السلامه
من بدرى و انا مستنياكى
و بسال كل شوية
حبيبه قلب نعمه
مستنيه تنادى يا ديدا
جدك منعم و خالك
جابوا اغلى هدية
يا ديدا اسمعى كلامى
و كلام بابا و ماما
يا حبيبه تيتا و جدو
تيتا فاتن انت حياتها
و هتتنطتى على ايدها
اسمعى كلامها يا ديدا
هتشيلك و تدلع فيكى
ديدا حبيه تيتا ريهام
قلبها و ضيا عنيها
جابت الدهب خواتم
هتلبسهم فى ايديها
بتفرق لوز و مغات
و الناس عماله تبارك
خد البنوته فى حضنك
مبروك يا محمود حظك
البنت حبيبه ابوها
تتربى يارب فى عزك
اغلى و احلى البنات
رزقك من المؤنسات
مبروك يا محمود ليك
بيتك بقى احلى بيت
و الليله فرح و عيد
بالخير اللى فى ايدك