сиз ыйлабан

Дүйнө абдан сулуу эле, жүз бурбадым,
Нетейин, бир соопко да үлгүрбөдүм.
Достор менен күлүп доор сүрө албадым,
Апакем, кучагыңыздан алыс кеттим,
Сиз ыйлабаң, бейиштерге барып жеттим.


Мээрим эмне, махабат не — аңдачумун,
Тынчтык издесем, апамдын боорун тандачумун.
Таң атканча бешик ырын тыңдачумун,
Бешигимде жатып, ырыскымды алып кеттим,
Сиз ыйлабаң, бейиштерге барып жеттим.


Бул дүйнөгө ким тоюптур, мен тойбосом?
Кайран гана, күлүп дагы эки кадам койсом.
Ширин жүздөрдү кучак жайып бир көрсөм,
Ата-энемдин көз жашында агып кеттим,
Ыйлабаңыздар, бейиштерге барып жеттим.


Тагдыр бирөөнү ойнотуп да күлдүрөт,
Дагы бирөөнү көз жашына бөлөйт.
Жайнап турган гүлдөй көздү соолутат,
Аппак кардай чачыңызга жаап кеттим,
Ыйлабаңыздар, бейиштерге барып жеттим.


Көп кеңеш берет бул жашоо, кулак салыңыз,
Жарык күндөр нур чачат, таңды күтүңүз.
Күлүп жашаңыз, кайгыларды унутуңуз,
Тагдыр экен, маңдайыма жазылганына нетейин,
Апакем, бейиштерге барып жеттим.

Сиз ыйлабаң…