يا ليل

يا ليليِ أه و يا لحن أهّين
و يا سعد رايح على فين

أه يا لحن حلو و اندثر
وما لاقيش مين يهوى سامعّه
دة القلب لو ياعيني انكسر
فالهوى هـيطفي نار ولاعّه

قالوا الراجل
يهوى و يلف على دي
و اقول في بيته قشطة بوادي
ما قولش مامي ولا دادي
اصبر واقول اهو لـولادي

ولعت له صوابعي العشرة
والله وهانت عليه العِشرة
فـبعت له الدهب بالغالي
و إرتضيت أنا بالقشرة

استغنى عن المغنى
و إندق التخت
طلب الحزن
فطلعله في البخت

يا ليليِ أه و يا لحن أهّين
و يا سعد رايح على فين

لو سلطانُهُ في الطرب
فـأنا كلمتي له غُنّة
لأجل حُبي يتفرض
و عشقي يبقى له سُنّة

قلبت له البيت دلع و غنَج
وهو يفط منه ويتخنَق
ويقول ملعون ابو النَكد
نسوان عايزة الشنج والحرّق

قالوا طال الحب وبالقطرة ينداق
قولت قلبه واسع وعلى حبي ضاق
قالوا داويه بالتي هي الداء
قولت نستعين على الشقا بالله

انا قولت لا أفرح ولا يخُش بيتك شمشي
لـأترك لك المترح ولا تشوف مني رمشي
في بُعادي تسهر بالسبوع و ما تنامشي
فـ يالا امشي تروح ماترجعشي

يا ليليِ أه و يا لحن أهّين
و يا سعد تعالى رايح فين
دة أنت قلبي ونن العين
و نبي ماتزعل دول كلمتين