Tutti 11

( intro)
Ve ricordé ea storia dei do tabakèri ?...
( 1 giro armonico strumentale)
( ritornello)
Tutti che se domanda,
Dove lavora i do tabakèri,
Quei che fin a staltro ieri,
Gèra in Rio Terà dei Pensieri...
Tutti che se domanda,
Dove lavora i tabakèri,
Quei che gèra prigionieri,
In Rio Terà dei Pensieri...
( prima strofa)
Dopo tutto quel casìn,
Chi ga etto el Gazetìn,
El credeva che i sofrisse,
E che quasi i morisse...




De sicuro adesso i la paga,
Dizeva la gente par la strada,
Ma a San Marco , ...che sorpresa,
I gà vèrto naltra bottega !
Tra vestiti e modellini,
I batte un sacco de scontrini...
E alla fine par far rima,
I ciàpa più skèi desso de prima !




( ritornello)
Tutti che se domanda,
Dove lavora i do tabakèri,
Quei che fin staltro ieri,
Gera in Rio Terà dei Pensieri...
Tutti che se domanda,
Dove lavora i tabakèri,
quei che gèra prigionieri,
In Rio Terà dei Pensieri !



( terza strofa con finale)
Tabakèr, impenitente,
Ti ze sempre sorridente,
Tabakèr, me fa piassér,
Che no te vedo mai in pensiér!
Tabakér, magna e bevi,
Senza più tanti pensieri,
Ti pol far pur i to tarocchi,
Che questo ze el paese... ...
Dei balocchiii !!!
( giro armonico strumentale finale)