طريق

ياطريق الشوق مامر خلي
موحشه دونه تمر الليالي
لاذكرته دمع عيني يهلي
والمداين دون خلي خوالي
عقب خلي وين اروح واولي
ضاق بي كوني وضاق المجالي
السعاده والهنا ماحصلي
شال قلبي من الهموم الثقالي
والحزن والهم على القلب حلي
والفرح مايوم وقته صفالي
تاه فكري عقبهم ماادلي
عقب ذاك الزين ماشي بقالي
مات زرع الحب وردٍ وفلي
ليتها الايام تلطف بحالي
ماعرفته بعد ولا تغلي
ياطريق الشوق جاوب سؤالي
كل ماهبت نسايم طرلي
ذكرياتٍ ماتفارق خيالي