Ақ желкенім

АҚ ЖЕЛКЕНІМ

Аман-есен жүрсің бе,
Баяғыдай гүлсің бе?
Сен жоқ жерде апыр-ау,
Қалай жүргем - құр сүлде!

Сағынышымды айтам ба,
Сабылысымды айтам ба.
Бәрі бірден өзгерген,
"Жарылысымды" айтам ба?

Сені көріп қуандым,
Жасырайын несіне.
Аң-таң қалған шығармын,
Қарай берсем тесіле.

Қайда сол бір кездеріміз,
Мөлдіреген көздеріміз?
Махаббаттың "әні" дейтін,
Қиындыққа төзгеніміз.
Аман болшы, қайда болсаң,
Дейтін едім сені ойлаумен,
Жылдар өтті жұлдыз санап,
Түнгі аспанға алаңдаумен.
Ақ желкенін сенім керген,
Шынайы пәк көңілдермен,
Жүретінбіз - әппақ арман,
Жырын айтып жаттап алған.

Күндер өтті жаңбырлы,
Сынап кетті тағдырды.
Сенің жылы бейнеңді,
Естелікте қалдырды.

Жүректегі жараны,
Кім емдейді, қарашы?
Бізді бөліп тұрған ба,
Жолдардың ақ арасы?

Ай аузынан түстің бе,
Күн көзінен түстің бе?
Қайта-қайта мен сынды,
Балдай мұңды іштің бе?

Қайда сол бір кездеріміз,
Мөлдіреген көздеріміз?
Махаббаттың мұңы дейтін,
Қиындыққа төзгеніміз.
Аман болшы, қайда болсаң,
Деп жүруші ем сені ойлаумен,
Жылдар өтті жұлдыз санап,
Түнгі аспанға алаңдаумен.
Ақ желкенін сенім керген,
Шынайы пәк көңілдермен,
Жүретінбіз - әппақ арман,
Жырын айтып жаттап алған.

ОРАЛБЕК 'БЕК