Ұлағатты Ер ұстаздар

1-шұмақ:
Таңмен бірге оянып, шырақ жаққан,
Баланың жүрегіне үміт артқан.
Сабақ сайын шәкіртке жол нұсқайды,
Жанарында әкелік нұры жатқан.
Тәрбиенің мақсаты – білім, талап,
Әр баланың тағдыры - зор аманат.
Жүрегінде ұстаздың үлкен арман,
Ел ертеңін тәрбиелер – Ер азамат.

Қайырма:
Ұстаз ерлер – биік рух, асқақ үн!
Жол көрсеткен шамшырақ, жарық күн!
Білімменен бағындырар белесті,
Сіздерменен жарқын болсын әрбір күн!
Алға, алға – білім үшін, ел үшін !
Жүрек соқсын жарқын үміт, жер үшін!
Ұстаз ерлер – мақтанышым, тірегім,
Жарқын еткен болашағын ұлтымның!
Ер мұғалім – ол мектептің жүрегі!
2-шұмақ:
Сабырменен сыр шертеді Әз аға,
Білім нәрін құйып берер санаға.
Кейде қатал, кейде жұмсақ болса да,
Тура жолды көрсетеді балаға.
Басшы болса – бағыт берер кемеңгер,
Әдіскер боп – ізденіске дем берер.
Еңбегімен ел ертеңін өсірген,
Осындай ер – нағыз ұстаз, шын шебер!