Vusiwana

Swa Risima Entertainment

The General

Misava leyi ya tika vamakweru
Hambi leswi hinga tshama hehla ka yona
Na rona tino kunga xilema
Mi ndzi vona kuhlekelela n’wina!
Kambe a mbilwini swavava
Ndzi pfumala ntsako a mbilwini ya mina
Ndzi na xitsongwatsongwana xa vusiwana

Vusiwana bya vava kufana na xilondza
Vusiwana bya hisa kufana na ndzilo
Vusiwana bya tlhava kufana na muntwa
Vusiwana bya tika kufana na Ndlopfu
Vusiwana bya nuwa kufana na Xitlen’wana

Leswakahle mina a swini fanelangi xana?
Yehovah kasi nilo dyoha yini xikulu ?
Xidyoho xakona xiringanile ku nihlupheka?
Nandzu wakona wopfalela na minkateko!
Nipfumala na buruku ro mbala kunene leri
Xikipa valoni hlakatela vatwela vusiwana
Lebyaka mina vusiwana byi nyanyini

Van’wani va kuma mintirho no sarisa sweswi
Van’wani va kuma timali mina no sarisa sweswi
Van’wani va kuma vukati no sarisa sweswi
Van’wani va kuma vana mina no sarisa sweswi
Van’wani va famba hi mimovha yo durha
Naha ganyula hi phaxani yo hela na xirhende

Kasi wa mina ntsako wuta rini we Hosi?
Minkateko ya tilo mina yi ndzi nela rini ?
Hosi nitshembhele ka wena, awutsandzeki
Laha u pfulaka kona kuhava langa pfalaka
Ndzi ta rindzela nkarhi wa wena Tatana
Ndza switiva leswaku u ta hlamula we Hosi
Na hambi swinga hlwela kambe u ta hlamula