Sabba

In Paulle narant b'at unu putzu
ch'improvvisu causat su machine
chie la buffat s'istrisinat in su pruine
che coa de tziligherta apena segada
calincunu a intro si ch'est bettada
pariat sighidu de mostruos'Urtzu.

Sididu istraccu chi beniat de fora
chircand'e s'assura de iscazzare
manc'ancora c'ait finiu de buffare
che bessiat improvvisu for'e conca
isconchinande pariat una Zonca
e a cabu faladu c'andat cora cora.

Sos Paullesos l'istaiant lontanu
ca conoschiant su don'e su putzu
non li passaiant mancu a curtzu
e buffaiant solu abba de issetta
ca pius segura fiat e pius netta
de cussa firma in parz'e Pittanu.

S'abb'e Paulle faghet ben'aberu
torrat a sanu chi'a conch'es fertu
non faghet meraculos de zertu
ma a medas males ponet reparu
po chi sene rimediu bon'imbaru
buffand'e cuss'abba torrat sinzeru.

Custa favella est'istad'imbentada
pro ponnet a sos istranzos paura
ca de s'abba nostra bi fiat sa fura
che la leanta cun lamas e saccu
e su paullesu ne tontu ne maccu
'e cussa infamadura l'at'imputada.

In Sorso la jamant Billelèra
pro nois est s'abb'e Putzu Pilli
onzi bidda la cantant trilli...trilli
imputtande a s'abba sa violèra.

Deligia Salvatore
Paulle su 10 de Sant'andria 2017