لو سمحتو

لو سمَحتو
اللي يعرف حبيبي يقولهُ
كفاية الغياب ده كُله
انا كُنت عايش في ضِلهُ
دلوقتي بقيت مكشووووف

لو سمَحتو
ياللي ليكم كلام معاه
انا عِرفت إن  الحياه
بَقيت من غيره عذاب
ومن غيره عايش في خووووف

قولولو لحد كده وكفاية
هو يعني بيحب أذايا
طب يفهمني اي الحكاية
او حتى يعلمني ازاي انساه

خليه يجي لو مرة يسمَعني
ويشوف غيابه ازاي وجعني
ده لو بكلمه منه يرَجعني
وانا كل لحظه هبقي معاه


لو سمحتو
لو حد بس يطمني عليه
يجي يقولي أخبارو ايه
ده انا بحلم اني اشوف عنيه
وقتها بس هنام مرتاح

لو سمحتو
حد يروح يخبط علي بابهُ
ويسأله اي هي أسبابه
لو ناوي يرجع  هنسي غيابه
واول ما اشوفه هقوله سماح

قولولو لحد كده وكفاية
هو يعني بيحب أذايا
طب يفهمني اي الحكاية
او حتى يعلمني ازاي انساه

خليه يجي لو مرة يسمَعني
ويشوف غيابه ازاي وجعني
ده لو بكلمه منه يرَجعني
وانا كل لحظه هبقي معاه