TIMOR OAN IDA DEIT BA TIMOR-LESTE

Tempu to ona hau maluk sira,
Tempu to ona atu ita hamutuk iha mehi ida deit,
Tempu to ona atu ita ita kahe kabas ba malu hodi decide futuru rai ida ne’e,
Mai ona,,,,,
Mai ita hamutuk,,,,,,
Mai hakuak malu metin tuir prinsipiu nebe’e iha ona desde rai doben ida ne’e eziste,
Katak Timor oan ida deit ba Timor-Leste,
Halakon ona o nia egoista,
Hamutuk ho o nia maluk Timor oan hotu,
Taka dalan ba buat lao rai nebe’e sei nafatin koko estra prinsipiu “Timor oan Ide Deit”,
Keta fo biban ba buat lao rai atu estraga Unidade Nasional,
Keta fo biban ba buat lao rai atu estraga Kultura Fetosan Uma Mane,
Keta fo biban ba buat lao rai atu hafahe maun ho alin no nan ho feto sira,
Keta fo biban ba buat lao rai atu kontina fahe Timor oan,
Tempu ona hateten lae ba buat lao rai sira,
Hakuak malu metin hodi restaura fila fali Unidade Nasional,
Ho Hakilar Makas Timor Oan Ida Deit Ba Timor-Leste,
Hamutuk Lori Timor ba oin hanesan ho Rai Seluk,
Viva, Viva, Viva Unidade Nasional,
Timor oan ida deit ba Timor-Leste.