L' imbriagon 3

[Strofa 1]

Ghe xe Marietto, a Venessia, che de sera fa baldoria, el comincia co’ un spriss, e el se sente un gran artistìst !
Un prosecchìn, dopo un altro, el se sente el re del palco, el ghe parla anca all' oste : «Fioi, stasera niente roste " ...
El camina tuto storto, ma el se crede anca un gran dritto, el saluda un lampión, e pò el ghe sbatte el testón !
[Ritornello]
L’imbriagón, l’imbriagón,
co’ el goto in man el fa el leon!
Ma co riva el conto, da imbriàgo,
El ghe dize all' oste:" mi no te pago!"
L’imbriagón, l’imbriagón,
el xe el campión del prosecchin!
L' offre da bévar a tutta l' osteria,
Ma co riva el conto ... ... el scampa via !

[Strofa 2]
Una sera in ostarìa, el proclama: «Questa xe casa mia! Paga par tuti el sottoscritto, che ancúo me sento un gran dritto !»
El tira fóra el tacuìn dàea scarsèa, ma dentro ghe gèra solo na ragnatèa,
El ragno che scampa, che corre e fa ea bèa, gaveva magnà i contanti ,e anca ea monèa !

«No ve preocupé, cari amissi,
Vado a casa a tór i skèi,
Torno in drìo in ostarìa,
... .. ma no trovo più ea via !

[Ritornello]
L’imbriagón, l’imbriagón, co’ el goto in man el fa el leon!
ma co riva el conto, da imbriago,
El ghe dize all' oste :" mi no te pago !!"

L’imbriagón, l’imbriagón, el xe el campión del prosecchin!
El fa promesse a tutta la gente,
ma el giorno dopo… no el se ricorda gnente!

[Strofa 3]
Tornando a casa, in fondamenta, el se ferma e el se lamenta: «Ma chi xe che move el ponte? E chi me ga cambià el orizonte?»
Eà muger, drìo ea porta, eó varda co aria sconvolta: «Te go dito: bevi poco!» «Ma mi, cara, so un fià gnoco ! »

[Strofa 4]

La matina, che tormento, el se svegia col lamento, e ghe gira tuta eà testa, che ieri sera el gà fatto festa!

El domanda: «Cossa xe nato? mi qua me sento mal !»
eà mugèr ride : «Caro Marietto mio, ti ga fatto na schiompa in canàl !»

«Ti ga cantà fin àe quattro, ti gà svegià anca el gatto ,ti ze rivà casa ancora pién, e desso ... ... ti dormi in magazén! »

[Ritornello finale – da cantare a squarciagola!]

L’imbriagón, l’imbriagón, co’ el goto in man el fa el leon! El se crede un gran bevitór, ma co so mugèr no el fa più l' amor !

L’imbriagón, l’imbriagón, el ze che dorme in un cantón! Bevi un goto, e canta ben, che eà cóga te manda ... ... in magazén !

L’IMBRIAGÓN! L’IMBRIAGÓN! El fa casìn in ogni cantón! El ride, el canta, el fa un fià el matto … ... ma la mugèr ... ... ghe gà dà el sfrattooo !!!!