شيلة يمنيه

ياصاحبي أمنيات الوقت كذابه
والي حلمناه في ذا الوقت ماتحقق

وما سعينا لأجله زادت اتعابه
اتعاب منها جباه اهل الحلال تعرق

حظوظ الابطال تتعامل بمنصابه
والحظ خصمه رجال الله تتوفق

وكل شي فالحياه هذه طمحنا به
لاحد ذلحين في بحر اليأس يغرق

وصغر هدف وجهتنا اكبر اصعابه
حتى راينا كبار أهدفنا تسرق

طال انتظار الامل وحنا على بابه
سنين والباب قدو وجيهنا مغلق

نفسي بفتحه ولو بالخلف دبابه
نفسي بفتحه ولو من فتحته بحرق

عدا لانا الوقت مدري ايش فعلنا به
ويعلم الله ايش فيه مننا يحنق

وكل ليلة يفجأنا ب شعابه
وكل ماحن يتسبر رجع يمحق

وحنا رجاجيل للجودات كسابه
نفزع مع القوم بالشاصات نتسابق

محنا من الي نخوه وناخت اركابه
وقل للقوم تتقدم وهو يالحق

ومحنا من الي يخاف وترجف اعصابه
ويخاف ويذل لاصوت العيارات دق

ومحنا من الي كما البغمات شبابه
يولي الدبر والابطال تتدافق

ومحنا من الي تسبه دايم اقرابه
من كثر الاعذار لاقدهم وسط مازق

احنا رجاجيل وقت الحرب حرابه
وحنا رجاجيل للقتلات نتبندق

وحنا رجاجيل دين الله وكتابه
وحنا الرجاجيل ذي انموت لجل الحق

وحنا رجاجيل قايد حر يهتابه
الشرك والكفر منه انفوسهم تزهق

وحنا رجاجيل ابوالزهراء واحبابه
ذي امنو بالرساله والذي صدق

وحنا رجاجيل ابوجبريل وصحابه
وجنوده الي تؤلوه الولاى المطلق

وحنا رجاجيل كمن حر له لابه
بدم تفديه لا خصمه عليه طوق

وحنا رجاجيل كمن عاصر اشنابه
نحيا على العز ولا اشنابنا تحلق


…كلمات الشاعر أبوريوف حكيم الهاجري…