Stone2

Kivel minä kerdan küzuin’:
- Midä nägid’ elos sinun?
Sanui hän: - Mä jalos väzuin’..,
Pitk i jüged matkut minun!

Kal’l’oks Pohjolas mä olin’,
Oiktal kädel - kanabrmägi.
Jälges jänik* – vilukolei -
Oti mindai – tänna pani.

Amu venun täs, tesarel
Minun kohtaz – pedrantehut,
Lappalaine – poropaimen*,
Minus tegi kümne reigud.

Tuli noid da verut кandoi,
Loiči, čorski pedrančakal.
Jumalale lahjoid andoi,
Jäti lihäd reboin´nahkal.

Ele lappid vozid sada
Vepsä poltab kasken mecas
Nagrišt, pölvast semendaba,
Vaiše rindal kazvab penzaz.

Rohked habuk, taivazkokoi*
Lebahtadas minun hambhal.
Lasicaine, hered pormoi
Kurustadas kivenbarbhal.

…Nügüd ele ozrid, kagrad, –
Vaiše babarmišt da habik,
Hormhein, buzaidaba parmad,
Kazvab lep da tihed barbik