ط

ضـاقـت الـدنـيا عـلـيا الــف ضـيقه
والـهـم فـي صـدري تـفاقم سـقامه
يا قرب حبيبه لي ويا اغلى حقيقه
لا يـضيع الـحب فـي درب الـندامه
لـو تـبي روحـي تـراها لـك صـديقه
خـذها وخـذني مـن هـموم اليتامَه
ياروح روحي وش بقى من طريقه
غـير الـحنين الـلي غـدى لي علامه
كـيف اعـيّد والـنفس بـاتت طـليقه
لا فــرح جـانـي ولا حـتـى سـلامـه
اعـايـد الـنـاس وجـروحـي عـتـيقه
في حبْ منْ حبيته وجتني سهامه
صـابني سـهم الـهوى طـعنه عريقه
سـهم صـاب الـقلب وازداد انهدامه
ولـبـست مـن الـوجع خـاتم عـقيقه
خــواتـم الــيـأس خـافـقـي مـرامـه
والـحياه ضـايعه وحـلامي عـويقه
لا اسـتقامت سـاءت وربـي غـمامه
حـبـي مثل الـزمن مـايوقف دقـيقه
حـتى لـو رخص وده رخص غرامه
تـبقى فـروعه طـول الـزمن وثـيقه
حـبل الوصل ما هو عديم الشهامه
امــــا نــجــاة الــقـلـب ولا غـريـقـه
ومــا الـسـكينه ومــا درب الـملامه
لــو يــدور الـزمـن بـجَرح الـعشيقه
مــا يـضيع الـود لـو طـالت ظـلامه
ولـو جـار الزمن ما طلبت الشفيقه
كـــل الــجـروح تـهـون الإ الـكـرامة
والـحب مايموت دام روحي رقيقه
والـهـوى يـبقى غـلاه يـبقى مـقامه
قــصـة الـعـاشـقين تــراهـا عـمـيقه
حـتـى ولـو سـاءت وزانـت عـدامه