Қызым

Өмір деген таусылмайтын тәттілік
Құратұғын тәтті арман мен тәтті үміт
Бұл өмірде болуың да несібе
Дүниеге келуің де сәттілік
Құрсағына тар боп тұрған ананың
Бар перзентін сыйғызатын даланың
Алла қандай әділетті қарашы,
Сені бізге сый қып берген боташым
Жарық дүние, жарығың неткен жақсы еді
Көрсетпесін Аллам саған әттеңін
Әкесінен аумай туған аппағым
Жөнің бөлек, иісің неткен тәтті еді
Қызым менің, қыз күнімнің жалғасы
Бір өзеннің толысқанды арнасы
Құрсағыма сыйып кеткен балапан
Құшағымда ойнап тұрсын қарашы
Мына әлем саған құшақ ашады,
Бар жақұтын жаңбыр қылып шашады
Саған деген сағыныштың алыбын
Құшағыма ап, иісікелеуім басады
Жарық дүние, жарығың неткен жақсы еді
Көрсетпесін Аллам саған әттеңін
Әкесінен аумай туған аппағым
Жөнің бөлек, иісің неткен тәтті еді
Қош келдің, қызым,
Бағыңды ашсын Ұлы Алла!
Сені күтіп бар жақсылық тұр алда.
Қылығыңнан... Қылығыңнан айналдым
Сүйсінуден қанар емес құмар да
Сансыз тәубе, Рахымы мол бір Алла!