Aceh Seramou meukah

Dilei aceh you seramou mekah
Yang mat perintah iskandar muda
Batas u timu nyan besou mirah
U barat leupah nyan kuta raja
Rakyat aceh dilee bandum pujou allah
Nanggrou makmu rata-rata hana susah
Tanyong bak drou pakon jinou ka meu ubah
Mungken adat dengan hukom kata kubah
Yang raja tetap raja
Yang maleim tetap maleim
Yang gasin jeut keu papa
Yang kaya duk teu khem-khem
Iskandar muda ureung meutuwah
Carong ngon tabah ato negara
Tip urou sabe geu musyawarah
Ngon tungku syiyah di miengkuwala
Adat-adat segala bak po teu meuruhom
Hukom-hukom ban bandum bak syiyah kuwala
Rakyat seunang dan aman rata jeut gampong
Sebab adat ngon hukom hana meutuka
Nanggrou acehnyou pusaka kaya
Subur that bumou hudep segala
Leubeh lom jinou takalon wahe ee rakan
Hasel lam bumou jitubiet juta-juta an
Nyan tanda leubeh acehnyou neubri le tuhan
Peu lara beujroh bek relooh musoh talawan