in bolu che columbas

E issa puru cheriat bolare
In sos lìmpios chelos de austu
E bolaimus paris sena assustu
Sena mancu calare a reposare
Ninnados da sos zèfiros zentiles
E da sos tocos de sos campaniles.
E de sa frina frisca sos suspiros
Fiant che sos columbos afannados
In bolu contra a bentu acodiados
E de s’amore nostru sos deliros.
E su reposu fit bolu planare
Che su falchitu a giru a isperiare.
Ca si cheren in altu pro amare
Sos coros in sas àeras serenas
Pesende·si sen’alas a bolare.
Su sàmbene chi curret in sas venas
S’acaddat che sas undas de su mare
E cando calmu basat sas arenas.