https://youtu.be/n7B2WcLutDk?si=oSC8v57zSUVL-xQq

چنه نكتب على الليل بقلم أسود
ومانبرد الماي وحده الماي يبرد
نلزم الحسره ونچتفها بحبل
خاف يم الغربه تنهد..

ندري بالسچين حمره
وباشطه من غير مبرد
اليبچي عالضحكه تعوفه
واليفك الباب ينسد
خوفونه من المصيبه واحنه بيها
واحنه متعودين عالخوف وعليها
والشمس لبست عبايه...اتغطت من الشايفيها
غطي وجهك ذيچ سچين المنايا
متانيه الرگبه تجيها...
غطي وجهك مابقت للعتبه حرمة
الباب غيره وشالعيها

چنه نكتب عالجدار وبيت بيت
نصيح كلنه يمته يوصلنه النهار
والخضار بكل مدينه
واحنه ناسينه الخضار

ذيچ دار وبيها قطعة بصفها دار وبيها قطعه
وذاك شارع بيه قطعة وذيج دار وذيج دار

بيا محطة تريدني انزل
وانه عايفني القطار...
لاتعاتب طير غادر
بيتهم وبعيد طار

اليدوس النار يدري مو ثلج جواه نار
احنه مثل الينتظر يمته يموت
وتدري صعبه الانتظار..
لا تعاتب طير غادر بيتهم وبعيد طار
الي يدوس النار يدري مو ثلج جواه نار
احنا مثل الينتظر يمتى يموت
وتدري صعبة الانتظار
يا هوا رفح بلة انطيني شمة
ليش غيري يشمك واني اغار
يا هوا رفح دفيلي ضلوعي
ادري بيك شكثر حار
يا هوا رفح يمتى ؟
يمتى تصفى من الغبار
يمتى يتكاسر نفس منك بريتي
ويكتل الغربة ال بنت في صدري دار
ليش غيري يشمك واني اغار