يافندي

اسمع يافندي
الرحمه فعل يفيد فاكيد # مش بالاماني ولا التمني
أنا كنت درع وايد وحميت أمانهم...... هدوا ف أماني
اعمي وعلمته يرمي الودع....فتح......... رماني
وأكبر ما فيهم لو كان جدع.......يصغر قصادي
كريت في خيط الود ليهم قصوني عافيه.....مش بالتراضي
نسخوهم ونسبوهم لامي جاهل ..... زي مواشي
كتبت ف قصايد وحكيت حكايتي ونهيت كلامي
ومرايتي دايما بتضحك في وشي لان بساطه
جرحي في ظهري من من امامي
قلوب كالحجاره بتقصد إصابتي........وتكسر ازازي
غافلين ونسيوا ان كلاََ يرد ربك وعد
نفسكوا المريضه تذيد في المرض
ولو حتي يعني
اتفقتوا جميعاََ نيتكوا غدراََ
فأسف وعذراََ إليكم لأني مأمن بقدري
وهيفضل لساني
يذكر هجاكم
هكتبكوا ديماََ.... هوصفكوا ذماََ# في كل القصايد
هشربني قهوه وأكون السجاير
دخاني يخرج مني و إليا........واشربني تاني
واقطع بايدي سرطان بينهش
هما اللي عضوا....... كلبي معضش
وتكدب عنيا.... اشوفهم عيالي
راعيت في زرعه بحب وتفاني
صابني العطش محدش........ سقاني
رفعت فاسي جرفت طيني
اسمع يا فندي
زرعي اللي جاي
كله استفاندي
و فتحت قاصد بيبان غيتي
كت غيتي اني اسيب حمامي
حرا ََ يطير في مجاله
يعلي ويلمس نجوم السما
انده عليه انا بصفافير.... يشاورلي بجناحه
غاوي بيعشق نش العصاري
علمي اترفع فوق ظهر داير
يكحل عيونه وقت التماسي
يرجع يسقف اشد الستاير
وده كان.......... جزاء احسان
وافرح انا بحمام كان بيته عنواني
وادندن أغاني واقول يا سمراني
مفيش حد غيري هيضحك عشاني
يجمل ملامحه و كان معجباني
اقلب في سكر يقوم يحلي تاني
وافتح في اوكره واعيد بكره تاني
وافاصل في أجره يكون مغلواني
وارخص في نكته تقوم تغلي تاني
واتاريها راسي بنت اللذينه
دقت شماسيها قبل المطر بيومين
وعملتلي لمه طلبت مني انسيها
وعايزاني انسي
قولتلها فاكره زمان ابويا لما.....
عنيها لمعت نسيت ف ثانيه
...........
دي دُنيا مُدُنها بِدونها يَدنها مُدانها
ودائها يصيبها ف روحها وبدنها
مدائنها تدن ادانها في ودانها
اشاره ميدانها تقشر دهانها
و يوماتي دايما تغير في لونها
بتعرف تبدل مرادف تضادها
وتفضل تغني #ياواد يا اسمراني
((اسمع يافندي))
ونصيحه مني بلاش م تعاطفك
الجهل صياد المتطمنين
حس الكلام بالعقل واربط حبالك
حتماََ ضروري القلب # هيخونه 100 تعبير
حرص من التعابين
نصبوا الشباك حواليك
الفن في التلوين# هيخدعوك لومين
ويسحروك في سنين# مبيتشفوش بالعين
عين الغزال خداع # ومخبيين ضبعين
احفظ كلامي يقين#
لكل شئ اسمين
هيقطفوك ياسمين
مين اللي سد الدين وداق الاسي مين
لما كان حسك معاهم انت عشت بحس مين
خلق النفوس واداهم الطبعين
هيخبطوك فجراََ من غير كمان اسفين
كيد النسا ده عظيم#وسوق الرجال صنفين
هتلاقي ناس وارثين#كل الجينات بالعكس
توأم ومش اخين
باس الجميع غفلتك#قولي انت بوست ف مين
اثبت مكان وقفتك
واضرب برجلك ارض وارفع لفوق راسك
خون ومتحرصش
وانخل اوي ف ناسك# ليشربوك دوبامين
واحفظ حقوق النشر ده اجدع جدع مسلمش
واياك تبين كسر
اللي في ايدك ده
فالاصل كان كاس مين؟
ف الاجابه هي اني
انا الافندي
بس بعد عامين