صبرت عليك

صبرت عليك واخر الصبر ايه الفايده
وحالك لسه على وضعه وبيزيد سوء
غريب طبعك وفيك انانيه دي زايده
ودلوقتي بقيت منك قوى مخنوق

ما فيش فايده معاك ولا ناوي تتغير
وتغلط ليك اعديها تزودها وتستهتر
وعندك شيء بقى يخنق وآه مليت
وقولي لامتى انا هقدر عليك اصبر

....................................

بقيت دلوقتي على الاخر ومش قادر
ما عنديش خلق اتحمل كمان نقصك
وكل شيء يزيد عن حده ليه اخر
بقيت دلوقتي مش طايقك ولا ناقصك

ما فيش فايده معاك ولا ناوي تتغير
وتغلط ليك اعديها تزودها وتستهتر
وعندك شيء بقى يخنق خلاص مليت
وقولي لامتى انا هقدر عليك اصبر
....................................

انا راضي ودلوقتي ضميري ارتاح
عملت اللي قدرت عليه ما قصرتش
سنين عدت وانا جنبك وعمرى داراح
حاولت كتير اغير فيك وماقدرتش

ما فيش فايده معاك ولا ناوي تتغير
وتغلط ليك اعديها تزودها وتستهتر
وعندك شيء بقى يخنق خلاص مليت
وقولي لامتى انا هقدر عليك اصبر
...................................