KÜSDÜRMÜSƏN

Arxa, dayaq, güman yerim,
Məni yaman küsdürmüsən.
Xoşbəxtliyi uman yerim,
Məni yaman küsdürmüsən.
Od, alovsuz yaxırsan hey,
Kinli sözlər yazırsan hey,
Ürəyimi sıxırsan hey,
Məni yaman küsdürmüsən.
Çox sevdiyim solumda yox,
Sənə gələn yolum da yox,
Ucuz olan ölüm də yox,
Məni yaman küsdürmüsən.
Əllərimi ötür də, get,
Xatirəni götür də, get.
Yol üstəsən otur da, get,
Məni yaman küsdürmüsən.