.. Artalla ṭiṭṭ ngr middn Akk nẓr a winu .. Ur ufiɣ Assik nsawl Uraɣ iẓṛi yan .. Araɣ iẓẓaḍ lhmm Iẓṛi nnun urd urrin .. Ɣmkann iẓḍa wasif Adrar iẓḍ akal .. Max mad skrɣ a winu Nɣra tabrat nk .. Awal ad urigi winnun Ur rat iṛḍo wul .. Id bu tayri lkdub Ṭiḅḍit ad salan .. Imun uduku d gʷmas Frḥn iɣ ijla yan .. Mra ufan attn yawi Wasif urd urrin .. Id bu tayri lkdub Tngaram d lxir .. Ayyis ur illa slmal Ur iga lljumat .. Ismunaɣ Ṛebbi ɣ lluḥ Ɣass lliɣd nlul .. Argis ntrju tamunt Iɣ yad ngʷz akal .. Hayyi dik a winu Nbidd ard nqqaṛ .. Ixla yan Ittllin Add ikk ngrat nɣ .. Rattn ismun rbbi D tagut ijla rriḥ .. Urdi tull asggʷas Ur tiwi lɣllat .. isngaratt ṛbbi d ignna d wakal