యదలోతుల్లో

పల్లవి:

యదలోతుల్లో నీరూపమే – ఓ యేసయ్యా నీ రూపమే –
మది తలపుల్లో నీ ధ్యానమే – ఓ యేసయ్యా నీ ధ్యానమే


నా ఆశల ఊహల్లో ఊసుల్లో – యద కోరే చల్లని చూపుల్లో॥2॥

యదలోతులో

ప్రేమాతిశయముచేత మూర్చిల్లు చున్నాను – నీ ద్రాక్షవల్లితో నను బలపరుచుము
నీ స్వరము వినబడక కలత చెందియున్నాను – నీ మెల్లని స్వరముతొ నన్ను సంధించుము

నీ లోతైన ప్రేమతో నన్ను నిలువెల్లా నింపుము – ఎప్పటికీ విడువక నాకు తోడుండుము॥2।

యదలోతులో॥



విలువైన నీ ప్రేమ వెలకట్టలేనిది ప్రేమ – విలువలేని నాకొరకై వెల చెల్లించిన ప్రేమ – ఎనలేని ప్రేమకై ఎదురు చూచున్నాను – అనుదినము నీకొరకై నిరీక్షించెద

నా ప్రియుడు నావాడు అతి కాంక్షనీయుడు – ఎందరిలో ఉన్నా అతనే శ్రేష్ఠుడు.॥2॥

యదలోతులో



లోకములో ఎన్నున్న లోకప్రేమలు ఎనైనా – నా ప్రియుని ప్రేమతో అవి సరితూగునా బంధాలు ఎన్నున్నాలోక అందాలు ఎనైనా – నా ప్రియుని శాశ్వత బంధం- నన్నువిడనాడునా

నా ప్రియురాలా నీవు అతి సుందరివి – నీయందు ఏ కళంకము లేదంటవే॥2॥

యదలోతులో॥