Tere dar par

تیرے در پہ آ کے جھُکا ہوں میں
تُو ہے شاہ سب کا گدا ہوں میں

کئی راتیں کاٹی ہیں جاگ کر
بڑی مدتوں سے جٙگا ہوں میں

مجھے سمتِ غیب سے دے صدا
کہ عجب ڈگر پہ کھڑا ہوں میں

ہمیں دل میں ڈھونڈنا چھوڑ دے
کہیں اور جا کے بسا ہوں میں

دلِ رفتہ اور یہ جہانِ غم
انہی حسرتوں میں جلا ہوں میں

تُو دکھا رہا ہے یہ تیر کیا
کہ سپاہیوں میں پلا ہوں میں

میرے شہر کا جو رذِیل ہے
وہ بھی کہہ رہا ہے بڑا ہوں میں

یہ جو دل جِگر سے جو اٹھ رہی
انہی حسرتوں کی نِدا ہوں میں

تو بنے گا عالمِ راز داں
اِسی چاہ میں ہی جلا ہوں میں