ຄອຍນ້ອງຄືນເມືອງຄອບ

A.(ລໍາ) ລະເມື່ອສຽງຈັກຈັນຮ້ອງ ດັ່ງກ້ອງໄພພະນາ
ສຽງນົກກາແຊວຮ້ອງ ໃຈຄິດຮອດນ້ອງຢູ່ບໍວາຍ
ກະຫຼາຍປີແລ້ວເດນ້ອງ.... ທີ່ເນື້ອທອງຈາກບ້ານ
ໄປເຮັດງານຢູ່ຕ່າງແດນໄກ ຄົງລືມໄລຊາຍຄົນນີ້
ມີແຟນໄໝ່ແລ້ວນ້ອງ ຈຶ່ງບໍ່ຕ່າວມາເດນໍ....ນ້ອງສາວເອີຍ

B.ວັນເດືອນເຄື່ອນຍ້າຍ ໃຈອ້າຍຍັງນີ້ຫວ່ງຫາ
ວອນລົມພັດພາ ສົ່ງຂ່າວຫາຄົນໄກ
ນ້ອງໄປຢູ່ກຸງເທບ ແຕ່ງໜ້າເສີບເລັບງາມຫຼາຍ
ມີຄົນເອົາໃຈ ເລີຍລືມອ້າຍຄົນນີ້ລະນໍ.....

C.ກັບຄືນບ້ານເກີດເຖີດນ້ອງ ຜ່າບ່ອງເມືອງຄອບບ້ານເຮົາ
ຮູ້ບໍອ້າຍຫງວມເຫງົ້າ (ຊໍ້າ) ອ້າຍລໍຄອຍເຈົ້າຢູ່ທຸກວັນເວລາ
ກັບມາເດີກັບມາ ຢ່າລືມສັນຍາ ສອງເຮົາເຄີຍມີ
ນ້ອງບອກຈະຄືນມາອີຫຼີ (ຊໍ້າ) ຈົນຮອດວັນນີ້ບໍ່ເຫັນຮອດເງົາ

D.(ລໍາ) ລໍຄອຍເຈົ້າ ເດືອນຈຽງເດືອນຢີ່
ລົມພັດວີ່ໆວອນ ຄິດຮອດງາມຂໍາ
ຮອດເດືອນສາມ ມານັດໝາຍ
ຊິພາຂວັນໃຈ ທ່ຽວບຸນທາດປວກບ້ານເຮົາ

ສົງການປີນີ້ ວອນຄົນດີຄືນມາເຖີດໜາ
ອ້າຍນີ້ຄອຍຖ້າ ລໍການດາກັບຄືນບ້ານເຮົາ
ພໍສົງການລ່ວງເຂົ້າ ຢູ່ບ້ານເຮົາມີບຸນບັ້ງໄຟ
ອ້າຍຄົງສຸກໃຈ ມີນ້ອງຄຽງກາຍອ້າຍຄົງງຫາຍເຫງົ້າ

(ລໍາ) ຫຼາຍຄົນເວົ້າ ໃຫ້ເຈົ້າເສຍຄ່າ
ອ້າຍນີ້ຍັງລໍຖ້າ ໃຫ້ນ້ອງຕ່າວຄືນ
ຢ່າໄປຝືນ ເລື່ອງເກົ່າເລື່ອງຫຼັງ
ອ້າຍນີ້ຍັງຮັກນາງ ບໍມີວັນ....ຊິເມີນມ້າງ.....