أهل مين

‏
‏
‏
‏
‏
‏آه، أنا... اللي إنت مش قدّه
‏ولا تعرف في يوم تقف ضده
‏جمع ناسك، هات لي أصحابك
‏بس ياريت تعرفوا تسدّوا
‏
‏ياللي سيرتي مجنّناك
‏معفرتاك ومخلياك
‏وأنا معملتش حاجة معاك
‏يا أبو قلب أسود بلاك
‏
‏تسمع عني، تتجنن
‏تشوفني، تيجي تسلم
‏ابعد عني الله يحنِّن
‏بلاش علينا تتلوّن
‏
‏
‏أنا واللّه ما بتاع مشاكل
‏وأنا مش لقمة عشان تتاكل
‏في الدنيا الطيّب بقا فيها
‏مقتول على إيد القاتل
‏
‏أنا بطولي واقف وحديّا
‏مسنود ومسندل يا بشرية
‏عارف إني في ليلة هموت
‏بس وأنا واقف على رجليّا
‏
‏
‏عايش بقلب مفيش فيه خوف
‏أنا في النار بقيت محدوف
‏كاتب أفعالكم بحر حروف
‏مفيش منه شيء محذوف
‏
‏عايز هرس بدبابة
‏ياللي سايب حياتك متسابة
‏للي ياكل لحمك بأنيابه
‏وبينهش فيك زي الديابة
‏
‏حياتي مفيهاش حد أساسي
‏شفت غباوة من أقرب ناسي
‏دمي بيجري جوا عروقهم
‏وهما بيعاملوني مْلاسي
‏
‏هتعيش خايب وتموت خايب
‏ياللي بتقول أهل وقرايب
‏ده الشر في قلوبهم بايت
‏مستنيّك تقع في مصايب
‏
‏
‏اصحى وفوق من غفلتك
‏ده اللي منك هيموتك
‏مغمّي عينيك على اللي ليك
‏ده أوّل واحد هيسفلتك
‏