عانيت

‏[Verse 1]
عانيت مِن بَعدِك مُعاناة الَايتام
في كِل يوم اَوّنِّ تِسعِينِ وَنّه

مانِيب اَخبْرك يا خويّي بِظلّام
ظَلمتِني والصَدرِ بَيَّحتِ كَنّه

‏[Verse 2]
اَصبَحْت مِثل الزِيِر سالِم وهَمّام
هذا يِصِدّ وذاك ما صَدِّ مِنّه

اَدرَىَ عليك اِمِنِ الخَمَل عَشرَت اعوام
واجبُر عَطاك إن گَلّ مِن دونِ مِنَّه

‏[Verse 3]
هذي اِطبوعي مِن گِديمات الايام
الصاحب اَعِزّه ولاصِدِّ عَنَّه

ولابيع انا الصاحب عَلىَ كل سوّام
واليا اْختَلَف ضَنّي ماخيَّبتِ ضَنّه

‏[Verse 4]
لنّيِ حَليمٍ مِن حَليمٍ مِن اِحْلْام
عاداتِنا الصاحب لياْ اخطاْ نِحِنّه

شَاعت مَراجِلنا مَعَ كلِّ ضرغام
وماحَلِّنا يِعرَف بِعودَه وبِنّه

‏[Verse 5]
طِيِبٍ اِجبِلَّه ما نِدوّر على اْعِلام
كَنّ الكرَم واجب علينا وسِنّه

يبشِرْبنا اللي ضايگ الصدر مِنظام
في ظِفّنَا يَضَحَاْك إحجَاجَه وِسِنّه

‏[Verse 6]
وِاللاش لاشِفته بَغَضنىَ ماينلام
نَكسَب عليه النِعْمِ وِنّا مَغنَّه

هَذي طْبَايِعْنا مِن اِسنينن اِگِدام
حَتَى وَلَدنا كُفوِ مِن صِغرِ سِنّه

‏[Outro]
وِختامَها هذا گصيدي على آآم
اِضبط اِلحُونَه يا خويّي وغَنَّه