علامات السهر

شسولفلك عالفراگ
تضل لكلشي تشتاگ
اذا جرحك كبر
يبين عاليحبون
سواد الجوه العيون
علامات السهر
تون يم گلبك بصوت
صدگ ساعدني خنموت
عليمن هالقهر
يگلبي وتسأل تريد
بعد عافوك شتريد
شنو يفيد الخبر

يا عمة زماني ميت بس نخيته
ذاك الدللاني بالحافر لگيته
حرام حرام يذبحونك حرام
انام انام حلم يا ناس انام

جرح مايعرف يطيب
مسافه وخظر الشيب
شجاني ومامتت
وكت وحسين ينداس
خطيه اتگلك الناس
عمت عين الوكت
حرگ خيمتنه جرحوك
رغم ماهمه ذبحوك
لگيتك ملتفت
اباوع بين الخيول
ارجعي عيونك اتگول
بعد منهه وخفت

ما يقبل يهدني موتك دوهناني
اركض بس بعدني يحسين ابمكاني
سلام سلام على عيونك سلام
انام انام حلم يا ناس انام

شمس غابت وجه الليل
ظلام وخلص الحيل
بده اشلاع الگلب
كل ما يجي الليل
اطلع ذكرياتك
واحچي ويه العيون
واگلهه اناغن انا
وافرش على الگاع
رسايل من خواتي
حرم وكبار وزغار
كلت رجليهم النار
يركظهم غصب
يتامى وكلهم اجروح
نريد البيتنه انروح
گضت عمه الحرب
نحط الروس عالروس
خرابه وفوگنه ايدوس
يفززنه الرعب

مچتفات ادينه ومطشر شملنه
والحارس علينه ذابح كل اهلنه
خيام خيام بعد ماكو خيام
انام انام حلم يا ناس انام

درب بي بس هوه وخيل
الاگيهه وصحت حيل
دخيلك يا علي
گلت ها هسه ننداس
اذا مو اهلي يا ناس
منو اليفزع الي
زلم وتسابگ الريح
يسحگون اعلى اليطيح
نحشم نبتلي
اذا طاري اهلي جبناه
هلي اتفزعون لو لا
ويشتمون ابهلي

ما نحچي احنه لازم
يطلع گوه صوتي
بس گتله الشتايم
مو حلوه اعلى خوتي
عمام عمام مره بعازت عمام
انام انام حلم يا ناس انام

شكيت بگلب ودموع
حچي البلليل مسموع
يلليل تعذبت
وحگ لمتنه بلبيت
على الميتين لوليت
كثر ما ايست
حمل ما شالته اجبال
اطيح ابكيف الحبال
الف مره طحت
اچلب بيمن احتار
اطيحن والدرب نار
اذا ما چلبت

وي كل طيحه حيره
والگاع اشبعدهه
والحرمه الچبيره
صعبه الگومه عدهه
سهام سهام اطيح اعله السهام
انام انام حلم يا ناس انام

شسولفلك على الفراگ
تضل لكلشي تشتاگ
اذا جرحك كبر
يبين عاليحبون
سواد الجوه العيون
علامات السهر