اغنيه رومانسيه حزينه مصريه

شيء حزين
لما يفضل من نسايم ودنا دمعتين
لما يفضل من تلاقي يدنا دبلتين
لما نتعاند وننسي الإشتياق
لما نتباعد ويجمعنا الفراق
لما يسكننا الشتا طول السنين
شيء حزين

لما تتبدل حقايقنا سراب
لما بتتوه المشاعر في الضباب
لما واحنا بين إيدينا تموت حكايه
لما يرمينا اللقا جوه النهايه
لما تدبل في القلوب كل أوراق الحنين
شيء حزين

لما تبقى السكه فاكره خطونا
واحنا توهنا من زمان عن بعضنا
لا احنا عارفين اللى غير فينا إيه
واللا شايفين الطريق نرجع إليه
مين جرحنا غيرنا إحنا
قوللى راح نعتب في مين
شيء حزين