Weldi

[Verse 1 – الانتظار و الولادة]

يا ولدي
بعد زواج عامين مع بنت الآصل
كنا بيك حالمين، العقل فيك حاصل
كنا نحسبو الأيام، ندعيو رب الجلال
يا ربي يا رحمان، عبدك فالصبر فاشل


---

[Chorus – لحظة الفرح]

يا ولدي
جيتي، كولشي فراح بيك
من نهارك، عزيز و غالي
أنا و ماماك، شحال حلمنا بيك
نحسبو الأيام، إمتى تسالي
تانا بغيت شي كوپي مني يكون فحالي
تانا بغيت طرف مني يهز الدم ديالي
تانا بغيت لي نْدمار عليه، نخسر عليه مالي
تانا نعطيه ݣاع لي عندي،
لا ؤبالي


---

[Verse 2 – الجد والاسم]

يا ولدي
سمّاتك ماماك على جدك
عومار، زين السمية
تمنيتو يكون هنا يهزك
افراح بيك ، كنتي ليه أمنية
مشا عند الله ، ݣاع ما حضر ليك
لكن روحو فرحانة، من الفوق كتشوفك وتدعي ليك


---

[Bridge – وصايا ]

يا ولدي
بغيت نوصيك وصايا
تهلّا ف ماماك، رضاها هو الغاية
كون تعرف شحال تعذّبات، مسكينة
من بعد الواليدة، شفت فيها الأم الحنينة
ما بغيتكش تكون فحالي، كون نتا
حيت الوحيد اللي نبغيه يكون حسن مني، هو نتا


---

[Verse 3 – الصحاب والدروس]

يا ولدي
الفاميلا هي الأولى، عنداك تنسا
ما عندك مادير بكترة الصحاب
تا حد ما يستاهل تاني فرصة
السبع ما عندو ما يدير فوسط الكلاب
هادشي لي كانݣول ليك، راه ݣالو ليا جدك
كنت برهوش، ما سمعتش ليه
دابا أنا نصحتك
ما بغيتكش تندم ندامتي
يا ولدي، ربي يحفظك