ເພງ ຂາດແຊັດບໍ່ໄດ້

ຫອມດອກຈຳປາ ຫອມແທ້ໜາມາລາຂອງລາວ
ດິນແດນແຫ່ງສຽງແຄນ ສຸດຫວງແຫນດົນຕີບ້ານເຮົາ
ສຽງພິນສຽງແຄນຂອງລາວ ຈ້າວເຮົາຈ້າວໆມ່ວນຊື່ນສຸກສັນ
ສຽງລຳປະສານ ແຕນແລນແຕນໂຮໂອະໂຮໂອຍ
ສຽງໂຫວດຍາມລົມພັດໂຊຍ ໂອ ໂຮະໂອຍລຳເລື່ອງຕໍ່ກັນ
ເອກະລັກຂອງຊາດລາວນັ້ນ ສຸດຈະເສກສັນນັ້ນຫຼາຍມາກມີ
ຕື່ນເຊົ້າໄຖຮຸດນາ ກຽມຕົກກ້າກັນຢ່າງຫ້າວຫັນ
ກ້າຍາວປັກດຳຊ່ອຍກັນ ຮູ້ແບ່ງປັນມີຄວາມກາລຸນ
ຈິດໃຈໂອບອ້ອມອາລີ ສາມະຄີພ້ອມກັນເພີ່ມພູ່ນ
ນັ່ງຜີ່ງໄຟຍາມໜາວອຸ່ນ ບຸນສົງການມ່ວນແທ້ອິລີ
ມ່ວນໂອຍ................. ໂຮະ ໂອະໂຮະໂອຍ...............................
ມ່ວນສຽງຝູງສັດຮ້ອງ ສຽງດັ່ງກ້ອງເໝື່ອນດັ່ງດົນຕີ
ກົບຂຽດແລະຮ້ອງ ຢູ່ປາຍນາ ມ່ວນໝູ່ພຶກສາອຸດົມຮັ່ງມີ
ຈັກກະຈັ່ນຈີ່ລໍ່ແມງອີ່ ຂະໜູນຈຸກຈີ່ອາຫານການກິນ
ເຮັດນາພາກັັນຂາຍເຂົ້າ ຊາດລາວເຮົາຂະຫຍັນຢູ່ທຳກິນ
ລ້ຽງສັດປູກຝັງສ້າງໜອງ ສ້າງສິ່ງຂອງໃຫ້ເປັນຊັບສິນ
ແຕ່ກ່ອນແລະທຳມາຫາກິນ ດຽວນີ້ເຮັດກິນສ້າງກິນຈຶ່ງມີກິນ
ຊາດລາວເຮົາຍຸກໄຫມ່ ຮຸ່ງເຮື່ອງດ້ວຍປະເພນີ
ວັດທະນະທຳມີມາກມີ ເສດຖະກິດກຳລັງດີຄົນມີຊັບສິນ
ຕ່າງຊາດໃຫ້ຄວາມສຳຄັນ ເຂົ້າມາພັກດັນໃຫ້ລາວມີຢູ່ມີກິນ
ສຶກສາກຽມພ້ອມຈົນສິ້ນ ຍິນດີຕ້ອນຮັບຕ່າງຊາດເຂົ້າມາລົງທຶນ